Nakadakop ang Police Regional Office 7 (PRO7) og 451 ka mga wanted persons, lakip na ang 59 ka Most Wanted Persons (MWPs) atol sa gipahugtan nga manhunt operations gikan Hunyo 13 hangtod Hulyo 17, 2025.
Sa 59 ka MWPs, 27 ang gilista sa regional level, 36 sa provincial level, 6 sa city level, ug 30 sa municipal level. Ang kasagaran sa mga nadakpan nga high-profile fugitives adunay seryosong kaso sama sa pagpatay (murder), attempted homicide, pangawat nga adunay kahas (robbery with violence), pagpanglugos (rape), iligal nga drogas, ug iligal nga pagpanag-iya og armas.
Samtang ang nahibilin nga 392 ka mga nadakpan kay gilakip sa Other Wanted Persons (OWPs), kadaghanan kanila nalambigit sa mga kaso nga physical injuries, pagpangawat, pagpanamastamas sa kabtangan (malicious mischief), ug lain-laing paglapas sa espesyal nga balaod.
“This accomplishment reflects our unwavering dedication to delivering justice and ensuring that criminals have no refuge in Central Visayas. We are determined to make our communities safer by pursuing those who try to escape the law,” matod ni PRO7 Regional Director PBGEN REDRICO A. MARANAN
Pinakadaghan og nadakpan ang Cebu Police Provincial Office (CPPO) nga adunay 130 ka arrest, gisundan sa Mandaue City Police Office (MCPO) nga adunay 77, ug ang Cebu City Police Office (CCPO) nga nakahimo og 75 ka dakop. Ang Criminal Investigation and Detection Group (CIDG) usab mitampo og 43 ka arrest, kadaghanan kanila MWPs sa regional level.
Padayon ang PRO7 sa pagpaningkamot nga matuman ang misyon sa PNP nga “To Serve and Protect,” aron masiguro ang kalinaw ug seguridad sa Central Visayas.
Source: PRO7
I via Renante Socia Lada
#rpndykccebu
#675hzamband
#tandemexpress