Nakumpiskar sa Police Regional Office 7 (PRO7) ang hapit duha ka kilo sa gidudahang shabu ug nakadakop og 353 ka suspetsado atol sa ilang gipalig-on nga operasyon gikan Disyembre 21 hangtod 27, 2025, panahon sa holiday season.
Kadaghanan sa mga nadakpan gikan sa kampanya batok iligal nga drogas. Sa 216 ka anti-drug operations, 237 ka drug personalities ang nadakpan ug 1,953.69 gramos sa shabu ang nakuha, nga may kantidad nga kapin ₱13.2 milyon.
Nagpadayon usab ang PRO7 sa manhunt operations, diin 51 ka wanted persons ang nadakpan, lakip ang 14 ka most wanted ug 37 ka uban pang ginapangita sa balaod.
Sa kampanya batok ilifal nfa armas, 25 ka tawo ang nadakpan sa 57 ka operasyon. Nakumpiskar ug adunay nisurender nga 55 ka pusil, 109 ka bala, ug 3 ka explosive devices, aron masiguro ang kaluwasan sa katawhan.
Samtang, sa kampanya batok ilegal nga sugal, 40 ka tawo ang nadakpan sa 25 ka operasyon, ug nakuha ang ₱6,280 nga sugal nga kwarta ug uban pang paraphernalia.
Matud ni PRO7 Regional Director PBGen Redrico A. Maranan, magpadayon ang kusog nga operasyon bisan human sa holidays, ilabi na samtang nag-andam ang rehiyon para sa Sinulog Festival 2026.
Gihangyo sa PRO7 ang publiko nga magpadayon sa pakig-alayon sa kapulisan pinaagi sa pagreport dayon sa bisan unsang kadudagang kalihokan aron masiguro ang kalinaw ug kahusay sa Central Visayas.
Source: PRO7 PIO
I via Renante Socia Lada