Gisaulog sa Police Regional Office 7 (PRO7) ang ika-32 nga PNP Ethics Day karong Lunes, Enero 5, 2026 sa PRO7 Headquarters sa Camp Sergio Osmeña Sr., Cebu City. Ang selebrasyon nagpakita sa dedikasyon sa kapulisan sa integridad, disiplina, ug ethical nga serbisyo sa publiko, nga kabahin sa reporma ug modernization sa PNP.
Ang tema sa selebrasyon mao ang: “Integridad at Disiplina, Pundasyon ng Serbisyong Mabilis, Tapat at Nararamdaman, Tungo sa Bagong PNP para sa Bagong Pilipinas”, diin gi-highlight ang ethical leadership ug professionalism isip pundasyon sa pagsalig sa katawhan ug epektibong serbisyo sa kapulisan.
Sa mensahe ni PBGEN Redrico A. Maranan, Regional Director sa PRO7, giingon niya nga ang integridad ug disiplina kinahanglan ipakita sa tanang desisyon ug frontline service. Matud niya, ang serbisyo sa pulis dili lang pagpapatuman sa balaod, apan responsable nga pag-alagad nga adunay kamatinud-anon, pagpakabana, ug responsibilidad.
Isip pasidungog, gihatagan og Medalya ng Pag-ila ang mga kapulisan nga nagpakita og ethical conduct ug pagpakabana sa katawhan. Apil sa mga giila si PSMS Jose Michael Alegado ug PSSG Wendell Jumao-as nga nitabang sa usa ka babae nga nagbuntis ug nakapanganak sa sulod sa patrol vehicle, ug si PMSG Lester Alit Reyes nga nitabang sa pag-escort sa usa ka critically ill nga pasyente padulong ospital bisan pa sa traffic ug emergency.
Ang selebrasyon sa 32nd PNP Ethics Day nagpalig-on sa commitment sa PRO7 sa ethical standards, internal discipline, ug public trust sa kapulisan sa Central Visayas, ug nagpakita sa ehemplo sa Bagong PNP nga disiplinado, matinud-anon, ug pagpakabana sa katawhan.
Source: PRO7 PIO
I via Renante Socia Lada
#rpndykccebu