Masanag nga sinugatan sa Police Regional Office 7 (PRO7) ang panahon sa Pasko pinaagi sa seremonya sa pagpasiga sa Christmas Tree ug Belen nga gipahigayon niadtong Disyembre 3, 2025 sa Camp Sergio Osmeña Sr., isip simbolo sa kalig-on ug bag-ong katuyoan.
Ang malinawon nga kahayag sa mga suga ug ang hilum nga nativity scene naghatag og pagbati sa kalinaw sa kampo, ug nagpahinumdom sa mga pulis sa mas lawom nga kahulugan sa ilang serbisyo alang sa katawhan.
Mitambong sa seremonya ang mga opisyal, Police Non-Commissioned Officers, non-uniformed personnel, ug mga miyembro sa Regional Staff, ubos sa pagpanguna nila PCOL Isagani Fetizanan, Deputy Regional Director for Administration; PCOL Arnel Apud, Deputy Regional Director for Operations; ug PCOL Enrico Figueroa, Chief of the Regional Staff.
Nagdugang kainit sa gabii ang madasigon ug makasingkasing nga performance sa South Blend Youth Group, diin ang ilang awit nagdala og paglaum ug pagpasalamat, ug misangkap sa mas lig-on nga koneksyon tali sa kapulisan ug komunidad.
Sa iyang mensahe, mipasabot si PBGen Redrico A. Maranan, Regional Director sa PRO7, sa kamahinungdanon sa maong tradisyon, nga nagpa-remind nganong importante kining mga pagpahigayon.
“Every secure street, every peaceful celebration, and every safe journey reflects the dedication of the men and women of PRO7.”
Iyang gidugang nga bisan pa sa ka pressure sa responsibilidad ug mga hagit sa trabaho, kinahanglan nga ipadayon sa mga pulis ang mga bili nga gihulagway sa panahon sa Pasko—kalooy, pag-alagad nga walay pagpili, ug lig-on nga komitment alang sa katawhan.
Samtang nagdan-ag na ang kahayag sa Camp Sergio Osmeña Sr., gipalig-on sa PRO7 ang saad nga magpabiling giya ug suga para sa katawhan sa Central Visayas karong panahon sa Pasko ug sa mosunod pang panahon.
Source: PRO7 PIO
I via Renante Socia Lada