Nagpadayag ang Police Regional Office 7 (PRO7) sa ilang dakong pasalamat sa usa ka maisugong wing van driver ug duha niini ka pahinante nga walay pagduha-duha nga miluwas sa unom ka tawo nga hapit malumos atol sa kalit nga baha nga gihasol ni Bagyong Tino sa Cotcot, Liloan niadtong Nobyembre 4, 2025.
Kuha sa usa ka viral nga video sa facebook ang iksina sa pagluwas, diin makita ang driver nga nagmaneho sa wing van uban ni Patrolman Niño Divinagracia sa Liloan Municipal Police Station aron babagan ang kusog nga sulog sa sapa diin unang nakita nga gianod sa tubig ang tulo ka biktima.
Sa footage, natumba si Patrolman Divinagracia gikan sa atop sa sakyanan ug nahulog, apan dali siyang natabangan sa usa sa mga pahinante. Apan samtang giluwas siya, laing tulo ka tawo ang nakita nga gianod usab sa kusog nga baha.
Bisan pa nga nagsagubang og kasakit gikan sa iyang pagkahulog, dali gihapon nga nihawid si Divinagracia sa usa ka babaye duol kaniya, samtang ang driver usab nubalhin og posisyon sa wing van aron usab babagan ang tubig hinungdan nga naluwas ang tanang unom ka biktima gikan sa maong katalagman.
Nasayran usab sa PRO7 nga ang driver ug iyang duha ka kaubanan gitangtang sa trabaho sa ilang employer tungod sa paggamit sa sakyanan sa kompanya atol sa kusog sa bagyo.
Busa, miadto ang PRO7 sa pag-koordinar sa mga kauban sa komunidad ug mga stakeholders aron mutabang ug makahatag og bag-ong oportunidad sa trabaho alang niining mga maisugong indibidwal nga milihok tungod sa kalooy ug kabalaka sa kinabuhi sa uban.
Matod ni PBGen Redrico A. Maranan, Regional Director sa PRO7: “PRO7 extends its heartfelt gratitude to the wing van driver and his helpers, whose bravery and selflessness during Typhoon TINO saved seven lives, including our own personnel. Their quick action and courage in the face of danger show how private citizens can make a profound difference in times of crisis. We honor their heroism and are committed to supporting them in any way.”
Source: PRO7 PIO
I via Renante Socia Lada