Tungod sa mando ni Chief PNP PGen Nicolas D. Torre III nga dakpon dayon ang mga kriminal, nakab-ot dayon sa Police Regional Office 7 (PRO7) ang kalamboan sa kaso sa pagpatay sa usa ka minor de edad sa Cebu City. Gikumpirmar nga tulo ang suspek, duha ang nadakpan niadtong Hunyo 8, 2025, samtang ang usa padayon pang gipangita.
Ang biktima nakit-an nga samaran sa Barangay Basak, Pardo, Cebu City niadtong Hunyo 5. Gidali kini dadla sa tambalanan, apan namatay kini human sa usa ka oras tungod sa duha ka samad pinusilan. Gilusad dayon ang imbestigasyon human sa krimen.
Pinaagi sa tabang sa mga testigo, dali nga naila sa kapulisan sa tulo ka suspek. Duha kanila ang nadakpan, samtang ang ikatulo padayon nga gipangita. Giandam na usab ang dokumento aron pasakaan sila og kaso nga homicide.
Matod ni PBGEN Redrico A. Maranan, Regional Director sa PRO7:
‘We mourn the tragic loss of a young life and assure the victim’s family that we are doing everything in our power to bring all those responsible to justice. The arrest of two suspects is only the beginning. Our pursuit of the remaining suspect will be relentless. PRO7 stands firm in our commitment to protect the innocent and uphold the rule of law, in full alignment with the directive of our Chief PNP, PGen Nicolas D. Torre III.”
Ang dali nga aksyon nagpakita sa tinuod nga dedikasyon sa PRO7 sa pagpanalipod sa katawhan ug sa pagsunod sa kampanya batok sa krimen.
Source: PRO7
I via Renante Socia Lada