Nakabawi og hapit 200 ka cellphone ang Police Regional Office 7 (PRO7) human sa usa ka anti-fencing operation nga gihimo niadtong Enero 20, 2026 sa Leon Kilat Street, Cebu City. Gipangulohan kini sa Cebu City Police Office (CCPO) aron masulbad ang problema sa mga nawala ug gikawat nga cellphone sa siyudad.
Sumala sa kaoulisan, ang mga nabawing cellphone nasubay ngadto sa usa ka tindahan sa cellphone accessories, diin ang suspetsado matod pa adunay abilidad sa pag-unlock ug pag-access sa iPhone. Kini nga impormasyon padayon pang gi-imbestigaran sa kapulisan.
Gipadayag usab nga dili tanan sa mga cellphone nawala panahon sa Sinulog Festival. Daghan niini na-report nga nawala sa wala pa ug human sa pista, ug kadaghanan gikan pa sa tuig 2025.
Andam na ang CCPO nga pasakaan og kaso ang suspetsado tungod sa Anti-Fencing Law (PD 1612), nga nagsilot sa pagpanag-iya ug pagbaligya sa gikawat nga butang. Kinahanglan lang ang gipanumpaang pamahayag (affidavit) sa mga biktima. Sa karon, 98 ka cellphone ang nakaila na og tag-iya, samtang 56 pa ang wala pa makuha. Giawhag ang mga nawad-an og cellphone nga moadto sa CCPO alang sa beripikasyon ug tabang.
Matod ni PBGEN Redrico A. Maranan, Director sa PRO7, nagpakita kini sa kusog nga paningkamot sa kapulisan sa pagpanalipod sa kabtangan sa katawhan ug pagpatybag sa mga nagbuhat og iligal.
Padayon usab ang PRO7 sa pagpalig-on sa crime prevention sa Central Visayas aron masiguro ang kaluwasan ug seguridad sa publiko.
Source: PRO7 PIO
I via Renante Socia Lada