Usa ka dako nga kalampusan ang gibutyag sa Police Regional Office 7 (PRO7) human kini nakab-ot ang 98.71 porsyento nga crime solution rate sa unang kwarto sa tuig 2025.
Ang maong datos nagpakita sa epektibo ug kusog nga implementasyon sa kampanya batok kriminalidad sa Central Visayas. Lakip usab sa taho ang 100 porsyento nga crime clearance rate sa mga index crimes sama sa pagpatay, pagpangawat, pagpanglugos, ug uban pang seryosong krimen.
Tungod niini, ikaduha ang PRO7 sa ranggo sa tibuok nasod, base sa pinakabag-ong listahan nga gipagula sa Directorate for Investigation and Detective Management sa Philippine National Police (PNP).
Gipasidunggan ni PBGen Redrico Maranan, Regional Director sa PRO7, ang tanang kapulisan sa rehiyon sa ilang paningkamot, disiplina, ug tinuod nga pagserbisyo sa katawhan.
Giklaro sa PRO7 nga ang ilang mga kalampusan nagbase sa mga estratehikong lakang sama sa: pagpalig-on sa intelligence gathering, intensified manhunt operations alang sa mga wanted persons, ug lig-on nga pakig-uban sa komunidad.
Ang tanan kini kabahin sa tinguha sa PNP nga mahatagan ang katawhan og dali ug kasaligan nga hustisya.
Gipasalig usab ni PBGen Maranan nga padayon ang PRO7 sa misyon nga pagpanalipod sa katawhan sa Central Visayas, uban sa paningkamot nga mapadayon ang kalinaw ug
kahapsay sa rehiyon.
Source: PRO7- PIO
I via Renante Socia Lada
#rpndykccebu
#675hzamband