Naka-record ang Police Regional Office 7 (PRO7) og 16 ka pagsikop ug 528 ka emergency responses sukad sa formal nga pag-operate sa Emergency 911 (E911) sa Central Visayas niadtong Hunyo 2, 2025.
Ang mga nadakpan naglakip sa naglapas sa RA 10591 (balaod sa armas ug bala), attempted robbery, alarm and scandal, direct assault, RA 9165 (drug law), RA 9262 (anti-VAWC), PD 1602 (illegal gambling), ug grave threats.
Sa 528 ka police responses, 508 o 96.21% ang nakaabot sa lugar sa insidente sulod sa 5 minutos, ang standard response time sa E911. Ang nahabiling 3.79% kay naa sa mga hilit o lisod duolon nga mga lugar. Nagpakita kini sa kusog ug paspas nga response capability sa PRO7 alang sa seguridad sa publiko.
Mipahimangno usab ang PRO7 sa katawhan nga likayan ang prank calls ug mga binuangan nga tawag kay kini masubay ug posibleng mapasakaan og kaso. I-prayoridad ang tinuod nga emerhensya aron masalbar ang kinabuhi ug maprotektahan ang kabtangan.
Sa iyang pamahayag, mipasidaan si Regional Director PBGEN Redrico A. Maranan sa responsible nga paggamit sa hotline:
“Dial 911 for real emergencies. Our quick-response teams are ready 24/7 to deliver immediate assistance because every second counts when lives are at stake,” segon ni PBGEN Maranan.
Nagpabilin nga lig-on ang PRO7 sa pagpanalipod sa kinabuhi ug kalinaw pinaagi sa padayong pagpalig-on sa E911 system.
Source: PRO7 PIO
I via Renante Socia Lada