Cebu: PRO-7 walay nakitang dagkong hulga sa seguridad sa Palarong Pambansa 2024 sa Sugbo

0
10
(Photo courtesy of Cebu City PIO)

Matod sa Cebu City PIO nga walay nabantayang posibleng dagkong mga hulga sa seguridad sa Palarong Pambansa 2024 sa Dakbayan sa Sugbo.

Basi kana sa National Intelligence Coordinating Agency (NICA) atol sa “1st Critique Session for The Palarong Pambansa” nga gipahigayon kagahapong adlawa, Hulyo 10, 2024, didto sa Social Hall sa Cebu City Hall.

Didto ang mga kadagkoan sa kapulisan gikan sa regional, provincial, Cebu City, Mandaue, ug Lapulapu City police office ang kalihokan, nga naglakip sa mga nanambong ang mga tinugyanan sa Department of Education (DepEd), Highway Patrol Group, Philippine Coast Guard, Department of Social Welfare and Services, ug sa Cebu City Disaster Risk Reduction and Management Office.

Si P/Col. Noel R. Flores, deputy regional firector for operations sa Police Regional Office-7, maoy nidumala sa kalihokan.

Natuki sa panagtigom ang kalangay sa paghatod sa mga pagkaon alang sa kapulisan nga nag-duty sa 30 ka mga dapit duwaanan, ilabi na sa kagahapong adlawa .

Nihatag si Flores og grado nga 95.75 sa gipakitang trabaho sa kapulisan, sukad gisugdan ang pagpangandam sa Palarong Pambansa hangtud karong adlawa.

Sa pagkakaron gipangandaman na sa kapulisan ang seguridad ni Bise Presidente Sara Duterte, nga gikatakdang mobalik dinhi sa dakbayan sa Sugbo isip kabahin sa iyang pag-atiman sa mga delegasyon kay siya pa man ang kalihim sa edukasyon sa nasud hangtod Hulyo 19, 2024. (Renante Socia Lada)

(Source: Cebu City PIO)

Leave a Reply