Karong adlawa Hulyo 29, 2024 opisyal nga gisugdan sa Police Regional Office ang ilang pagdeploy sa kapulisan sa tanang learning institution sa Central Visayas pinaagi sa pagpatuman sa Oplan-Balik Eskwela 2024 para sa School Year 2024-2025.
Si Regional Director, PBGEN Anthony Aberin nibutyag nga nikabat ngadto sa 1,200 ka mga personahe ang nakabutang na sa ilang gitudlo nga mga puwesto aron masiguro ang kaluwasan ug seguridad sa tanang estudyante gikan sa 4,300 ka mga eskwelahan, lakip na ang pre-schools.
Kini nga implementasyon naglakip sa pagtukod ug Police Assistance Desks sulod ug duol sa palibot sa lain-laing mga learning institutions ug pagpakusog sa presensya sa kapulisan pinaagi sa foot and mobile patrolling.
Giawhag usab ni PBGen Aberin ang mga tinun-an nga mosunod kanunay sa mga regulasyon ug polisiya sa eskwelahan ug sa pagpatuman sa balaod aron malikayan ang mga kriminal nga elemento sa pagpahimulos.
“On top of our regular law enforcement duties, we are also committed to ensure the safety of our learners, school administrators, and staff by intensifying our police presence for a secured and smooth academic year”, pamahayag ni PBGen Aberin. (Renante Lada & Ting Joe Pepito)
(Source: PRO-7)