Naghatag og kumpleto ug lig-on nga seguridad ang Police Regional Office 7 (PRO-7), ubos sa pagdumala ni Regional Director PBGEN Redrico A. Maranan, atol sa inspeksyon sa Independent Commission for Infrastructure (ICI) sa mga flood-control projects sa Cebu City, Mandaue City, Talisay City, Compostela ug Liloan niadtong Nobyembre 16, 2025.
Gipangulohan ni ICI Chair Justice Andres B. Reyes Jr. ang team uban nila Special Adviser PGen Rodolfo S. Azurin Jr. (Ret.) ug PLTGen Benjamin B. Magalong (Ret.), diin ilang personal nga gi-assess ang mga prioridad nga flood-control structures isip kabahin sa padayong review sa mga infrastruktura sa rehiyon.
Aron masiguro ang kahapsay ug kaluwasan sa paglihok sa ICI team, ang PRO-7 mitabang pinaagi sa pag-deploy og route security teams, mobile patrol units, ug covert personnel sa tanang inspection sites. Nakig-alayon usab ang PRO-7 sa mga lokal nga kagamhanan ug engineering offices aron mapadali ang access sa mga lugar ug mapabilin ang kalinaw ug kahapsay sa operasyon.
Giingon ni PBGEN Maranan nga dako ang papel sa PRO-7 sa pagsuporta sa misyon sa ICI samtang ginatiman ang kagawasan niini.
Source: PRO7 PIO
I via Renante Socia Lada
