Usa ang nakalas sa aksidente sa kalsada niadtong Enero 22, 2026, alas 8:30 sa gabii sa Barangay San Jose, Catmon. Human matumba ang podte sa kuryente.
Ang biktima giila sa kapulisan nga mao si Hendry Tribunalo, 25 anyos, taga Brgy. Taytayan, Bogo City, nagmaneho sa iyang Yamaha Mio nga motorsiklo. Kauban sa insidente si Keithreil Collantes, 22 anyos, taga Brgy. Anapog, Catmon, nga nagmaneho pud sa Euro 150 nga motorsiklo.
Ang suspetsado sa aksidente mao si Edgar Allan Coronado Lim, 53 anyos, taga Brgy. Alang-Alang, Mandaue City, drayber sa Howo tractor head nga nagdala og container van.
Base sa imbestigasyon sa Catmon MPS, ang aksidente nahitabo human ang ulo sa tractor nasangit sa mga nagbitay nga telecommunication wires gikan sa duha ka poste sa CEBECO II. Natumba ang mga poste ug nahulog ang mga kable sa karsada, nga nakaigo sa duha ka motorsiklo nga nagsunod niini.
Si Tribunalo dali nga gidala sa Sogod District Hospital, apan gideklarar siya nga dead on arrival sa doktor nga si Dr. Jerlyn Praises S. Arellano tungod sa grabeng samad sa lawas.
Sa pagkakaron, padayon ang imbestigasyon sa Catmon MPS aron matino ang maong insedente.
📸 CTTO
I via Renante Socia Lada