Ang Cebu Police Provincial Office (PPO) gipangpasidunggan sa 17th Sangguniang Panlalawigan sa Cebu tungod sa ilang kusog ug padayon nga paningkamot batok sa smuggling ug ilegal nga kalihokan sa probinsya.
Ang pasidungog nahatag human sa malampuson nga joint operation niadtong Enero 10, 2026, sa Barangay Poblacion, Santander, Cebu, diin nakumpiskar ang mga ilegal nga sigarilyo nga nagkantidad og ₱20 milyon. Apil sa operasyon ang Santander Municipal Police Station, Regional Mobile Force Battalion 7, Provincial Intelligence Unit, Regional Intelligence Division 7, ug Regional Special Project Unit 7, kauban ang Philippine Coast Guard, Bureau of Customs (BOC), ug Bureau of Internal Revenue (BIR).
Si PCOL Abubakar Udang Mangelen Jr., Provincial Director sa Cebu PPO, nagpasalamat sa pasidungog ug giila ang dedikasyon sa kapulisan ug uban pang ahensya sa pagpanalipod sa probinsya.
Gipasabot sa Cebu PPO nga ang kalampusan nagpamatuod sa gahum sa intelligence-driven enforcement, kooperasyon sa lain-laing ahensya, ug tinuod nga dedikasyon sa serbisyo publiko.
Gibalik sa opisina ang ilang determinasyon nga magpabiling alerto ug proactive aron mapugngan ang ilegal nga negosyo, maprotektahan ang kita sa gobyerno, ug masiguro ang kaayohan sa komunidad.
Source: CPPO
I via Renante Socia Lada
#rpndykccebu