Si Acting Chief of the Philippine National Police (PNP) PLTGEN Jose Melencio C. Nartatez Jr., kauban si PBGEN Redrico A. Maranan, Regional Director sa Police Regional Office 7 (PRO7), miatubang sa mga sakop sa media human siya naghatag og katapusang pagtahod sa namatay nga Police Captain Joel Deiparine sa usa ka pribadong lubnganan sa Talisay City, Oktubre 31, 2025.
Atol sa media briefing, gipadayag ni PLTGEN Nartatez nga padayon ang imbestigasyon ug manhunt operation batok sa mga suspek nga nalambigit sa pagpusil-patay sa sakop sa CIDG–Regional Field Unit 7. Iyang gisiguro sa publiko nga tanan pwersa sa PNP gagamiton aron makuha ang hustisya alang sa biktima.
Gipadayag usab niya ang iyang pag-ampo ug simpatiya sa pamilya ni Capt. Deiparine, ug gisiguro nga madawat nila ang tanang benepisyo nga para sa pamilya sa biktima. Dugang pa niya, tabangan usab sa PNP ang anak sa biktima nga gustong mosulod sa serbisyo sa pulis.
Gipasabot usab sa opisyal nga padayon ang PNP sa pagpalig-on sa kapasidad sa kapulisan pinaagi sa training ug pagpaayo sa kagamitan aron mas epektibo ug episyente ang operasyon batok krimen.
Source: PRO7 PIO
I via Renante Socia Lada