Usa ka Person Deprived of Liberty (PDL) nga si Bibiano Hernando y Paltingca, 51 anyos, minyo, ug residente sa Sitio Panabang, Barangay Lourdes, Cortes, nakalingkawas gikan sa Gov. Celestino Gallares Memorial Medical Center sa Bohol. Ang insidente nahitabo alas 2:00 sa kadlawon, Enero 10, 2025.
Tungod sa maong pag-eskapo, gihugtan karon sa kapulisan ang siguridad ug gipahugtan usab ang operasyon aron siya madakpan. Nangayo og tabang ang mga otoridad sa publiko aron mas mapadali ang pagpangita kang Hernando. Gihangyo ang tanan nga magpakabana ug i-report dayon ang bisan unsang impormasyon kabahin sa iyang lokasyon.
Gisaad nga adunay ganti alang sa mosumbong nga makatabang sa pagdakop sa PDL. Para sa impormasyon, palihug tawag o text sa hotline 09985986414. Ang kooperasyon sa publiko gikinahanglan aron masiguro ang kasigurohan sa tanan. (Renante Socia Lada)
(Source: Bohol PNP)