Nahuli sa Tracker Team sa Talisay City Police Station ang usa ka ginapangita nga babaye sa usa ka operasyon nga gibase sa intelihensya niadtong Enero 20, 2026 sa Purok Lagan 2, Sitio Rattan, Barangay Tangke, Talisay City, Cebu. Ang babaye, 28 anyos ug kasado, residente sa maong lugar, gipasangunlan sa Falsification of Commercial Documents.
Ang pagsikop sa babaye gihimo pinaagi sa warrant of arrest nga gi-isyu ni Hon. Van Joseph F. Capili, Presiding Judge sa Municipal Trial Court in Cities, Cebu City, niadtong Enero 6, 2026. Ang rekomendar nga piyansa alang kaniya gibutang sa ₱36,000.
Sa pamahayag ni PCOL Abubakar Udang Mangelen Jr., Provincial Director sa Cebu Provincial Police Office, iyang gidayeg ang operating team sa ilang paspas ug ligal nga aksyon. Matod pa niya, kini nagpakita sa dedikasyon sa CPPO sa pagpangita ug pagdala sa hustisya sa mga gipangita nga kriminal.
Gipasalig usab ni PCOL Mangelen nga magpadayon ang Cebu PPO sa pagpasiugda intelligence-based nga operasyon aron masiguro nga ang tanang napasanhinlan mo-atubang sa korte ug motubag sa ilang mga kaso, nagpakita sa seryoso ug propesyonal nga serbisyo sa kapulisan alang sa katawhan.
Source: CPPO
I via Renante Socia Lada