Niadtong Hulyo 15, ang Police Regional Office nihimo og kinatibuk-ang 430 ka mga pag-aresto sa upat ka dagkong mga lugar sa operasyon sa kapulisan atol sa pagpahigayon sa tulo ka adlaw nga Simultaneous Anti-Criminality and Law Enforcement Operations (SACLEO) nga nagsugod niadtong Hulyo 12, 2024, tibuok rehiyon-7.
Ang maong mga operasyon niresulta sa pagkasikop sa 158 ka mga tigpayuhot og ginadiling drugas uban sa nasakmit nga 2,494.05 gramos nga shabu nga adunay standard drug value nga PhP16,959,540.00 ug 850 ka ampules sa Nubain nga nagkantidad og PhP340,000.00.
Ang Nubain gi-reclassify isip delikado nga droga sa Dangerous Drugs Board ni kanhi Undersecretary, Clarence Paul Oaminal, sukad niadtong Enero 2011, tungod sa makamatay nga epekto niini sa dihang giabusohan.
Samtang, sa anti-illegal gambling operations, 121 ka bettors ang nadakpan nga adunay PhP17,747.00 nga total bet money. Sa samang paagi, 10 ka mga suspek usab ang nasikop tungod sa illegal possession of firearms ug ang mga operatiba nakarekober og kinatibuk-ang 109 ka loose firearms, lakip na ang mga gi-surrender nga armas.
Ang nahabilin sa mga dinakpan nga mga suspetsado lakip ang 11 nga mga most wanted person ug 130 ug uban pang mga most wanted person pinaagi sa pagpatuman sa mga warrant of arrest nga gipagawas sa korte anaa na sa kustodiya sa pulisya alang sa pagpasaka sa tukmang kaso.
Sa pagkakaron gisumite na sa Forensic Unit ang tanang nasakmit na mga ebidensiya para sa eksaminasyon.
“Our collective effort in anti-criminality is testament of our unwavering commitment and support to SILG Atty. Benjamin Abalos Jr’s BIDA Program and instruction of the CPNP which shall ultimately ensure the safety and peace in Central Visayas”, matod PBGEN ANTHONY A ABERIN, Regional Director, PRO7. (Renante Lada and Ting Joe Pepito)
(Source: PRO-7)