Misaka na sa 61 ang kumpirmadong patay sa probinsya sa Sugbo human sa kusog nga magnitude 6.9 nga linog nga miigo kagabii, Martes, Septiyembre 30, 2025, sumala sa Provincial Disaster Risk Reduction and Management Office (PDRRMO).
Gisubay sa opisina nga ang epicenter sa linog naa sa Bogo City, diin labing menos duha ka distrito ang grabe kaayo ang kadaut. Daghang balay ug establisemento ang naguba, ug nagpadayon ang rescue operations aron makuha ang mga nabiktima.
Ang mga lokal nga awtoridad ug disaster response teams nag-awhag sa katawhan nga magpabilin sa luwas nga lugar ug mag-andam alang sa posible nga mga aftershocks.
Nagpadayon usab ang assessment sa kadaut sa infrastruktura, lakip na ang mga kalsada, tulay, ug eskwelahan, aron masiguro nga ang tanan luwas ug mahatagan og tabang sa pinakadali nga panahon.
Source: PDRRMO
I via Renante Socia Lada