Niadtong Hulyo 29, 2025, mibisita si PDEA-7 Regional Director Joel B. Plaza sa buhatan ni DILG-7 Regional Director Leocadio Trovela aron ipahibalo ang ilang plano sa pagpadayon ug pagpakusog sa mga inisyatiba batok sa iligal nga drogas sa Central Visayas.
Sa maong miting, pormal nga gi-endorso ni Plaza ang usa ka komprehensibong Anti-Drug Plan alang sa mga Local Government Units (LGUs). Kini nga plano magtudlo sa mga LGU unsaon pagpalig-on sa ilang drug-clearing efforts ug naghatag og dakong papel sa DILG aron mapadayon ang kalampusan sa kampanya batok drogas.
Gidawat ni Director Trovela ang inisyatiba ug mipadayag sa iyang bug-os nga suporta sa mga programa sa PDEA-7. Matod niya, andam ang DILG-7 nga makigtambayayong aron masiguro ang kaluwasan sa mga komunidad.
Apil usab sa maong miting si Mr. Celerino Magto Jr., Chief sa Local Government Monitoring and Evaluation Division (LGMED) sa DILG-7, nga permanenteng representante sa Regional Oversight Committee on Barangay Drug Clearing (ROCBDC).
Source: PDEA-7
I via Renante Socia Lada