Ang Philippine Drug Enforcement Agency sa Central Visayas (PDEA 7) nipahibawo sa plano nga imbestigahon sa posibleng koneksyon tali sa mga kandidato sa politika ug sa illegal nga drugas. Kini nga inisyatiba gihimo aron pagpakgang sa posible nga impluwensya sa mga sindikato sa droga sa mga kampanya sa politika ug pagdumala.
Matod ni Leia Alcantara, ang tigpamaba sa PDEA 7, nga adunay posibilidad nga ang mga sindikato sa drugas mahimong mosuporta sa mga kandidato sa politika aron mapadayon ang ilang mga ginadili nga operasyon.
“That is one of the things drug syndicates really exploit — they tie up with politicians whom they will support,” segon ni Alcantara.
Sa kini nga bahin posibli ang mga politiko mag huna-huna og utang kabubut-on sa mga sindako nga nisuporta kanila panahon sa kampanya.
Hinuon giklaro ni Alcantara nga hangtod karon wala pay nadawat nga report ang PDEA-7 nga nagtumbok nga direktang midawat ang mga kandidato og election funds gikan sa mga sindikato sa drugas.
Gitratar sa PDEA 7 ang bisan kinsang opisyal sa publiko nga nalambigit sa operasyon sa ilegal nga droga nga high-value target tungod sa ilang potensyal nga makapasamot sa pagpamaligya sa droga. (Renante Lada)