Tungod sa pagbaha nga gidala sa Bagyong #TinoPH, ang Coast Guard District Central Visayas (CGDCV) mipadala og upat ka Deployable Response Groups (DRGs) aron magluwas sa mga residente nga na-trap sa tubig baha sa lain-laing dapit sa Sugbo.
Ang DRG Team 1 nga adunay 21 ka personahe gipadala sa Liloan, Cebu aron motabang sa mga pamilya nga apektado sa kalit nga pagsaka sa tubig sa ubos nga mga barangay.
Samtang ang DRG Team 2, nga adunay 22 ka personahe, mitabang sa pag-evacuate ug pagtransport sa mga residente sa Barangay Umapad, Mandaue City, uban sa ubang mga unang responder.
Ang DRG Team 3 nga adunay 18 ka personahe gipadala sa Barangay Biasong, Talisay City aron magluwas sa mga na-trap nga residente. Aron mapadali ang operasyon, ang DRG Team 4 nga adunay 14 ka personahe gi-activate isip dugang kusog sa parehas nga lugar.
Si Rear Admiral Agapito Bibat, Commander sa CGDCV, nagdumala sa operasyon ug mipasabot sa importansya sa paspas nga evacuation ug koordinasyon sa mga LGU aron masiguro ang kaluwasan sa tanan. Nagpadayon ang PCG Central Visayas sa pagbantay ug pagresponde sa mga lugar nga naapektuhan samtang nagpadayon pa ang epekto sa bagyo.
Source: PCG
I via Renante Socia Lada