Nangulo si Police Brigadier General Redrico A. Maranan, Regional Director sa Police Regional Office 7 (PRO-7), sa padayon nga 24/7 security inspections sa nagkalain-laing dakbayan sa Sugbo isip kabahin sa kaandam alang sa nagpadayon nga ASEAN Summit Tourism Forum 2026. Tumong sa inspeksyon ang pagsiguro nga hapsay ug epektibo ang pagpatuman sa security framework alang sa kaluwasan sa mga delegado, turista, ug sa kinatibuk-ang katawhan.
Gilibot ni PBGEN Maranan ang mga critical security areas sama sa mga hotel, convention venues, tourism sites, police checkpoints, ug command posts nga gipahimutang sa mga dakbayan sa Cebu City, Mandaue City, ug Lapu-Lapu City. Iyang gi-inspeksyon ang kahimtangan sa kapulisan, ang kaandam sa mga kagamitan, ug ang pagsunod sa standard operating procedures sa panahon sa high-profile nga kalihokan.
Gipasiugda sa Regional Director ang importansya sa kanunay nga pagbantay, disiplina, ug koordinasyon tali sa nagkalain-laing police units ug partner agencies. Matod pa niya, ang presensya sa kapulisan ug ang paspas nga pagtubag sa bisan unsang hulga maoy yawi aron mapadayon ang kalinaw ug kahapsay atol sa internasyonal nga forum.
Ang 24/7 inspections kabahin sa mas lapad nga security plan sa PRO-7 nga naglakip sa intensified patrols, intelligence monitoring, crowd control measures, ug close coordination sa local government units ug organizers sa ASEAN Summit Tourism Forum 2026. Gitumong niini ang paglikay sa krimen ug pagsiguro nga malinawon ang kalihokan gikan sa pagsugod hangtod sa pagtapos niini.
Gidayeg ni PBGEN Maranan ang dedikasyon sa mga kapulisan ug gipasalig sa publiko nga andam ang PRO-7 sa pagpanalipod sa katawhan ug sa mga bisita. Ang maong paningkamot nagpakita sa lig-on nga komitment sa kapulisan sa paghatag og luwas nga palibot ug sa pagpalig-on sa imahe sa Sugbo isip kasaligan ug luwas nga host sa internasyonal nga kalihokan sama sa ASEAN Summit Tourism Forum 2026.
Source: PRO7 PIO
I via Renante Socia Lada
#rpndykccebu