Gipangulohan ni Presidente Ferdinand “Bongbong” Marcos Jr. ang pag-inagurasyon sa Mabini-Cayacay Small Reservoir Irrigation Project (SRIP) sa Barangay Abaca, Mabini, Bohol karong Hunyo 22.
Ang maong proyekto sa National Irrigation Administration (NIA) nagkantidad og ₱833.37 milyon. Tumong niini nga makahatag og sigurado ug tibuok-tuig nga suplay sa tubig para sa mga uma nga mokabat sa 530 ektarya sa mga lungsod sa Mabini ug Alicia.
Mga 717 ka mag-uuma ang direktang makabenepisyo niini. Apil niini ang mga barangay sa Abaca, San Roque, Aguipo, ug Cabidian sa Mabini, ug Barangay Cayacay sa Alicia.
Pinaagi sa maong proyekto, gilauman nga motaas ang ani sa mga mag-uuma ug mas mapalig-on ang agrikultura sa maong mga lugar.
I via Renante Socia Lada