Bisan ting init pa nag awhag na daan si Task Force Gubat Sa Baha River North Commander Aderson Comar nga sugdan na daan ang pagpalimpyo sa drainage sa mga barangay nga nailhan nga dali rang masap-ongan ug moawas kung mobunok ang kusog nga uwan.
Kana maoy iyang hangyo sa mga kapitan ug uban pang mga opisyal sa mga barangay sa amihanang distrito sa dakbayan nga nitambong sa convergence meeting nga gipatawag sa Task Force kagahapong adlawa, Mayo 14, 2024.
Tinguha kana ni Comar kay nasayod siya nga kung ting uwan na dili na kini madali sa pagtrabaho.
“Mora’g lisud karon ang sitwasyon so we need your cooperation sa drainage lang sa inyohang area. Asa tong inyong identified nga mo-clogged-up ang drainage kato lang say i-priority,” pamahayag ni Comar.
Nasayran nga ang mga dinapit sa convergence meeting ang mga opisyales sa mga barangay nga apektado sa pagpatuman sat res metros nga easement sa upat ka dagkong mga sapa nga mao ang Estero de Parian, Lahug River, Mahiga River, ug ang Butuanon River.
Didto sa maong meeting ang mga kapitan nga sila si Yody Sanches (Busay), Nilo dela Cerna (Lorega San Miguel), Virgi Abenoja (San Roque), David Agravante (Zapatera), ug Pedro Damaolao (Agsungot).
Mahinomduman nga sa nakalabay nga mga katuigan ang dakbayan sa Sugbo ug labi na ang maong mga lugar maoy kasagarang maigo sa baha na grabing ma apiktuhan ang mga residenti. (Renante Socia Lada)
(Source: Cebu City PIO)