Nagmalapuson ang gihimo nga Barangay Program nga gipasiugdahan sa pangagamhanan sa dakbayan aa Mandaue.
Didto kini gipahigayon sa Barangay Canduman, pinanguluhan ni Mandaue City Mayor Jonas Cortes, kagahapong adlawa, Oktobre 14,2022.
Gihatud nga serbisyo sa Mandaue City Health Office ang ilang pagpahigayon og covid vaccination, libre nga Dental Services, X-Ray, Laboratory Examination, HIV Testing ug Papsmear.
Nanghatag usab og mga vitamins ug gatas sa mga kabataan ang City Nutrition Office.
Libre nga Spay ug Neuter “Ligate” sa mga iro ug iring ingon man Anti-Rabies maoy serbisyo nga gihatag sa City Veterinary Office.
Nagpahigayon og consultation sa mga nanginahanglan og ayuda sama sa medical ug burial assistance ang City Social Welfare Services ingon man mga programa sama sa livelihood assistance ug uban pa.
Nanglista sa renewal sa mga members ug mga bag-ong kwalipikado nga myembro ang Person with Disability Affairs Office.
Rehistro sa mga negosyo maoy serbisyo nga gialagad sa Business Permit and Licensing Office.
Libreng Legal Consultation/Advice ug notaryo sa mga simple nga affidavit “Affidavit of Loss”.
Adunay assistance alang sa Birth Certificate Registration pinaagi sa Local Civil Registrar ug Philippine Statistics Authority.
Nagpahigayon og consultation alang sa mga ipatukod nga balay o building ang Office of the Building Official.
Alang sa mga nangita og trabaho adunay Mini Job Fair nga gipahigayon ang Public Employment Service Office.
Ang maong mga serbisyo nga mas gipaduol sa katawhan gikalipay pag ayo kay ila kining napahimuslan.
Gilauman nga aduna pay dugay mga program nga ihatod ang administration ni Mayor Cortes sa katawhan labi na gyud sa ilang mga gikinahanglan.
Kining maong mga s nagkadaiyang serbisyo nagpakita kini sa kanunay andam ang Dakbayan sa pagtubag sa mga panginahanglan sa katawhan. (Renante Lada)
(News & photo courtesy of Mandaue City Public Information Office)
