Naghatag og ₱396,400 nga pinansyal nga tabang ang Palayan City ngadto sa Probinsya sa Sugbo aron masuportahan ang rehabilitasyon sa mga lugar nga grabeng naapektuhan sa Bagyong Tino.
Personal nga gitunol ni Mayor Viandrei Nicole Cuevas ang duha ka tseke ngadto kang Governor Pamela Baricuatro didto sa Kapitolyo niadtong Pebrero 16. Kuyog niya ang pipila ka opisyal sa lungsod lakip ang konsehal, disaster officer, ug city treasurer.
Sumala kang Cuevas, ang kantidad nga donasyon nakalap pinaagi sa usa ka benefit concert nga gi-organisar sa ilang lokal nga panggamhanan aron makatabang sa pagbangon sa Sugbo human sa bagyo.
Nagpasalamat usab si Governor Baricuatro sa delegasyon sa Palayan City, ilabi na sa ilang pagbiyahe og hapit 800 kilometros aron personal nga ihatod ang tabang.
Matod pa sa gobernador, dako kini nga simbolo sa panaghiusa ug pagtinabangay sa mga lokal nga panggamhanan sa Pilipinas panahon sa kalamidad.
Source: Cebu Province PIO
I via Renante Socia Lada