Minando karon karon si Cebu Gob. Pamela Barucuatro nga pa imbestigaran ang nahitabong pagkamatay sa inahan ug anak sa Carcar City Privincial Hospital, tungod kini matod pa kakulang sa OB-Gyne.
Tungod niini, gitinguha ni Gobernor Pamela Baricuatro ang pagdugang og mga obstetrician-gynecologist (OB-Gyne) sa mga provincial hospitals, aron masiguro nga walay susamang insidente nga mahitabo pa sa umaabot.
Ang insidente unang nigawas sa social media pinaagi sa usa ka Facebook post sa igsuon sa bana sa biktima, diin giingon nga wala hatagi og aksyon ang hangyo alang sa caesarean operation sa pasyente nga si Airish Comaling, nga makaanak pa unta. Matud pa nga gi-refer pa kini sa laing ospital.
Sumala sa Cebu Provincial Health Office (PHO), ang pasyente gidala una sa Isidro C. Kintanar Memorial Hospital sa Argao, diin nakadokumentong nag-rupture na ang iyang panubigan sukad pa sa balay. Tungod sa kakulian, gi-refer kini sa Carcar Provincial Hospital, ug dayon sa Cebu South Medical Center, diin gipanganak ang bata nga wala na’y kinabuhi.
Ang Ob-Gyne nga nag-atiman sa pasyente giingong wala makakita og indication para sa CS operation sa sayong bahin. Apan sa ulahi, nasuta nga ang fetus anaa na sa distress, hinungdan sa pagka-urgent sa referral.
Gibutyag sa PHO nga nagpadayon na ang imbestigasyon aron masuta kon adunay kapakyasan sa medikal nga proseso ug kung kinsa ang angayng manubag.
Samtang, gihatagan og ayuda sa Provincial Social Welfare and Development Office (PSWDO) ang pamilya sa biktima, lakip na ang tulo ka sako sa bugas, grocery items, ₱10,000 burial assistance, ug personal nga tabang gikan kang Gov. Baricuatro.
Matod sa gobernador, “Heartbreaking gyud kini nga panghitabo. Dili nato pasagdan, buhaton nato tanan aron walay laing pamilya ang moagi og ingon ani.”
I via Renante Socia Lada