Bisan sa Sabado Santo way hunong ang kapulisan sa ilang operation batok ginadiling drugas diin nahulog sa ilang mga kamot ang usa ka High Profile drug dealer.
Pasado alas 4:19 kagahapon sa hapon, Marso 30, 2024, gilusad ang buy-bust operation didto sa Sitio Lawis, Barangay Pusok, dakbayan sa Lapu-Lapu.
Ang suspetsado nagpanuigon og 20 anyos, Construction worker, lumad nga taga lungsod sa Sibonga, Sugbo.
Ang maong operation pinaagi sa hiniusang pwersa sa mga sakop sa LCPO, MPU, NISG, ug NAVFORCEN na ni resulta sa pagkasakmit sa kapin sa kilo sa ginadiling drugas og standard drug value na P7,480,000.00
“We are gaining momentum in intensifying our fight against illegal drugs across the region. With the solid partnership from the community and other agencies, along with the BIDA Program and 5-Focused Agenda of the PNP, PRO7 is firm in its commitment to end the threat of illegal drugs in Central Visayas,” segon ni PBGen Anthony Aberin.
Sa pagkakaron ang suspetsado mag atubang og kasong kalapasan sa R.A. 9165 or the Comprehensive Dangerous Drugs Act of 2002. (Renante Lada)