Daghan ang naguol nga wala nakadawat sa ilang mga parcel nga gi order human nasunog ang gi kargahan niining wing van.
Didto kini nahitabo sa Sitio Latasan, Barangay Labogon, dakbayan sa Mandaue, kagahapon sa hapon, Agosto 14, 2024.
Ang driver sa maong wing van naila nga si Marvin Cullat, 32 anyos nag panuigon, ulitawo.
Sa imbestigasyon sa Mandaue City Fire Station nasayran nga nag parking lang ang maong truck sa maong lugar sa dihang ni ulbo ang kalayo.
Daling ni respondi ang kabomberohan apan naugdaw gyud ang mga kargang parcel na adunay kantidad nga P35,000.00.
Sa pagkakaron padayon pa ang imbestigasyon aron pagsuta kung unsay hinugdan sa pagkasunog sa mga parcel nga gikarga sa usa ka truck. (Renante Lada and Ting Joe Pepito)