Laing na usab nga hugna sa pagsunog sa mga ginadiling drugas ang gihimo sa mga sakop sa Philippine Drug Enforcement Agency (PDEA-7) ug mga sakop sa Police Regional Office (PRO-7).
Huybis sa buntag, Oktobre 12, 2023, gisunog ang mga ginadiling drugas didto sa Cosmopolitan Funeral Homes, nahimutang sa Junquera St., siyudad sa Sugbo.
Nikabat sa P330.5 milyon ang kinatibuk-an balor sa shabu, marijuana, nalbuphine, ug cocaine ang gipangsunog sa mga otoridad.
Ang mga ginadiling drugas gikang sa mga managlahing operations sa taga PDEA-7 ug kapulisan sa PRO-7.
Gisaksihan sa mga daghang opisyalis lakip ang mga sakop sa media ang maong pagsunog pinaagi sa thermal destruction.
Gilauman nga daghang pang mga drugas ang pang sunugon sa way hunong nga mga operations sa mga sakop sa PNP ug sa PDEA batok sa mga durugista. (Renante Socia Lada, photo courtesy of PDEA-7)