Cebu City- Nasakmit sa mga operatiba sa Coast Guard Intelligence Group (CGIG)-Central Visayas ang P2.1 million nga balor sa smuggled nga mga sigarilyo sa Mainit Port sa Barangay Mainit , Oslob, Cebu, Miyerkules, Agosto 3, 2022.
Gibutyag sa CGIG nga ang nahisgutang mga sirarilyo, nga giingong gikan sa Malaysia, gi-ship nga walay legal nga mga dokumento.
Atol sa inspection, nakita sa mga otoridad ang mga sigarilyo nga gisud sa mga box nga dunay nga mga delata nga sardinas.
Ang CGIG nagkanayon nga ang nahisgutang mga sirarilyo gi agi una sa Zamboanga, dayon ni agi sa Lungsod sa Dapitan, sa wala pa kini gipadala sa Sugbo sakay sa usa ka roro vessel.
Gi turn over na ngadto sa Bureau of Customs ang mga nangasakmit nga mga items alang sa tukmang disposition.
l via Jhon Tadlip
Source: Coast Guard Intelligence Group- Central Visayas