Ang Police Regional Office 7 mipahibalo og usa ka dakong kalampusan sa ilang padayon nga kampanya batok sa illegal nga drogas. Sa duha ka operasyon sa Tagbilaran City, nasakmit sa Bohol police ang kapin sa 2 ka kilo nga illegal nga droga nga nagkantidad og PhP12.9 milyon.
Si PBGEN ROY B. PARENA, Officer-In-Charge sa PRO-7, mipadayag sa iyang pagpasalamat sa mga operatiba nga responsable sa maong operasyon.
Kini nga kalihokan midala sa pagdakop sa duha ka high-profile nga suspek nga nagdala og daghang kantidad sa illegal nga drogas nga peligroso alang sa kaluwasan sa publiko.
Ang mga personahe gikan sa Provincial Intelligence Unit/Provincial Drug Enforcement Unit sa Bohol Police Provincial Office (BPPO), uban sa koordinasyon sa Tagbilaran City Police Station, nakasakmit og 1.8 ka kilo nga illegal nga droga nga nagkantidad og PhP12,240,000. Kini nga operasyon nahitabo sa Purok 3, Brgy. Dao, Tagbilaran City, Bohol, alas-12:35 sa kaadlawon, Disyembre 1, 2024, ug midala sa pagdakop sa usa ka 44-anyos nga drug suspect.
Sa sunod nga operasyon, gidakop sa Tagbilaran City Police Station ang usa ka 25-anyos nga drug pusher nga nakuhaan og 105 ka gramo nga illegal nga droga nga nagkantidad og PhP714,000, lakip na ang mga drug paraphernalia. Ang operasyon nahitabo sa Purok 3, Manlangit Street, Brgy. San Isidro, Tagbilaran City.
“These significant achievements not only reflect the unwavering commitment of PRO7 to combat illegal drugs but also highlight the importance of collaboration among different law enforcement units. Congratulations to the Bohol police for their outstanding work!,” segon ni PBGen Parena.
Sa pagkakaron ang mga suspetsado anaa karon sa kustodiya sa kapulisan ug giandam na ang tukmang mga kaso ubos sa Republic Act 9165. (Renante Socia Lada)
(Source: PRO-7 PIO)