Mihimo og kasaysayan ang Cagayan de Oro City isip 1st local government sa Mindanao nga nag-host sa national finals sa Milo Marathon nga natapos niadtong Domingo, Disyembre 1.
Kapin sa usa ka libo ka runners gikan sa Luzon, Visayas ug Mindanao ang nisalmot sa marathon nga dungan sa ika-60 nga anibersaryo ni Milo.
matod ni Milo Sports Chief Carlo Sampan nga Ang 2024 Milo Marathon finals mao ang una sa Mindanao—ug kami naghinam-hinam kaayo sa pagbuhat niini dinhi sa Cagayan de Oro City.
Ang marathon naglangkob sa 5km, 10km, 15km, ug 21km nga mga kategoriya ug uban pang mga kalihukan.
Ang migawas nga mananaog mao sila si Richard Salaño kinsa miangkon sa titulo sa Milo King sa oras nga 2:55:29, samtang si Christine Hallasgo maoy gikoronahan nga Milo Queen, mioras og 2:59:29.
Matag usa kanila nakadawat ug ₱60,000 nga cash ug tropeyo. Sila ang morepresentar sa Pilipinas sa umaabot nga Sydney Marathon.
Ang marathon milukop sa talan-awon nga rota gikan sa Velez Street paingon sa duol nga lungsod sa Tagoloan, Misamis Oriental.
Ang mga opisyal sa City Hall nagkanayon nga ang Milo Marathon niadtong Domingo nagtimaan sa kahimtang sa Cagayan de Oro City isip usa ka nagkataas nga hub alang sa dagkong mga sporting event.