Sa halos lima ka gatos nga operasyon sa kapulisan nga gihimo sulod sa Oktubre 6 hangtod 12, 2024, ang Police Regional Office nagpasiugda sa kinatibuk-ang pagkasikop sa 515 ka mga suspek sa upat ka dagkong operasyon.
Ang maong mga operasyon naglakip sa anti-illegal drug operations nga miresulta sa pagkasikop sa 168 ka mga drug personalities ug nakuhaan og 1,639.05 gramos nga illegal nga drugas nga nagkantidad og PhP11,145,540.00, standard nga presyo sa drugas, uban sa uban pang drug paraphernalia.
Ang mga operasyon batok sa ilegal nga sugal misangpot usab sa pagkasikop sa 197 ka mga suspek ug pagkasakmit sa P20,734.00 nga kinatibuk-ang kwarta sa sugal ug uban pang kagamitan sa sugal.
Dugang pa, ang loose firearm operations miresulta sa pagkarekober sa 35 ka wala rehistrado nga armas ug 50 ka mga bala ug nasikop ang 24 ka mga suspek.
Sa laing bahin, malampusong naserbisyuhan ang mga nag-ung-ong nga warrant of arrest sa 15 ka most wanted ug 111 ka laing mga wanted ug kini nga mga personalidad kasamtangang gitanggong alang sa pagpresentar sa ilang nag-isyu nga mga korte.
Sa usa ka pamahayag, si PBGEN ANTHONY A ABERIN, Regional Director, PRO7, nag-awhag sa kalalakin-an ug kababayen-an sa PRO-7 nga tan-awon ang matag buluhaton isip usa ka integral nga bahin sa kinatibuk-ang misyon, paghulma sa kalampusan sa mga paningkamot niini ug pagpalig-on sa pagsalig sa publiko sa ilang kapabilidad.
“Thank you for your dedication and let us continue to serve our community with pride and untiring resolve. Let us keep in mind that our discipline, coordination, and commitment to upholding the rule of law define us as police force.”, dugang pa ni PBGen. Aberin. (Renante Socia Lada)
(Source: PRO-7)