Gisugat og sunog ang bag-ong tuig sa usa ka Compound didto sa Barangay Calamba, Siyudad sa Sugbo.
Nadawat ang alarma sa sunog pasado alas 12:57 sa tungang gabii, Enero 1, 2023, ug na fire out 1:16 sa kadlawon.
Si Fire Officer 3 Emerson Arceo ang fire investigator sa Cebu City Fire Station, nibutyag nga ang karaan balay nga gipanag iya sa pamilyang Sasil nagsugod ang sunog.
Unom ka mga individual ang hingpit nga nawad-an og pinuy-an sa bag-ong tuig ug aduna kini danyos nga P1.2 Milyon.
Duha ka posibilidad ang tinan-aw karon nga hinungdan sa maong sunog: una ang pabuto ug electrical short circuit.
Dugang ni Arceo nga posibli ang pabuto gikan sa gawas sa ilang compound maoy hinungdan sa sunog kay ang mga biktima wala man naggamit og pabuto.
Sa pagkakaron gihimo pa ang dugang imbestigasyon sa maong aksidenti sa sunog nga niulbo atol sa bag-ong tuig. (Renante Lada, photo credits to the owner)