Dead on the spot and usa ka inahan human naligsan sa gikasugat nga dakong sakyanan.
Pasado alas 4:00 kagahapon sa hapon, Oktobre 15,2022, didto kini nahitabo sa National Highway, Barangay Cotcot, Lungsod sa Liloan, Probinsya sa Sugbo.
Ang biktima nga namatay giila sa kapulisan sa Liloan nga si Jessel Dionson Ochea, 35 anyos ang pangidaron, menyo, taga Barangay Cogon, Lungsod sa Compostela Sugbo.
Naila usab ang nagmaniho sa Wing Van nga si Jessie Remorosa Hinaboga, 45 anyos ang panuigon, ulitawo, ug nagpuyo sa Barangay Casuntingan, Dakbayan sa Mandaue.
Sa gihimo nga imbestigasyon sa Liloan Police Station nasayran nga nagmaniho sa usa ka motorsiklo si Ochea nga ni counter flow sa maong lugar.
Sa kakusog sa dagan wala niya na control ug nalihayan ang gikasugat niini nga dakong sakyanan.
Napasok ang biktima sa ilawom nga bahin sa Wing Van nga maoy hinungdan sa iyang hinalaling kamatayon.
Sa pagkakaron gihuwat pa sa kapulisan ang resulta sa panagsabot- sabot sa duha ka habig. (Renante Lada, photo courtesy of Liloan Police Station)
