Wala nagdahom ang bana nga sa iyang pagpamugsay sa lawod aron managat ang iyang asawa nagbugsay usab imabaw sa kama uban ang kabit niini.
Nahitabo kini sa usa sa mga motel didto sa dakbayan sa Zamboanga, Sabado sa gabii, Pebrero 17, 2024.
Sa inbestigasyon sa kapulisan nasayran na samtang nanagat ang bana nilakaw ang asawa og nag check-in sa motel uban ang kabit.
Adunay nakapahibalo sa bana samtang atua kini sa lawod na maoy hinungdan na nagdali kini sa pag-uli.
Na-aktuhan sa bana ang iyang asawa ug kabit na parting binugsayay sa kama og didto iya kining gipang dunggab na gikamatay sa lalaki na kabit og gikaangol sa iyang asawa.
Hinuon giangkon sa suspetsado na bana ang krimin na iyang nabuhat kay wala na siya ka antos niini.
Aduna sila’y tulo ka anak na dugay na nagduda sa binuhatan sa iyang asawa apan niabot ang panahon na aktuhan gyud niya na nagduwa og kayo sa laing binuhat.
Ang mga pangalan sa biktima ug suspetsado gipang pugngan lang usa sa mga otoridad. (Renante Lada, photo credits to the owner)