Positibong giila sa amahan ug igsuon ang usa ka lalaki nga wala nay kinabuhi nga nakaplagan sa dagat ilawon sa Marcelo Fernan Bridge, kagabii, Desiyembre 2024.
Ang biktima naila sa pangalan nga Jennifer Villa Magbanua 49-anyos, adunay live-in partner nga taga San Roque, Barangay Luz, dakbayan sa Sugbo.
Sa follow-up nga imbistigasyon nga gipahigayon sa kapulisan, gikompirmar sa amahan og igsuon nga ang biktima mao si Jennifer kinsa na missing sud sa duha ka adlaw.
Sa inisyal nga pakighinabi sa igsuon sa biktima (Jimmy Magbanua) nibutyag nga niadtong Sabado sa gabii Disyembre 7, 2024, nagsaulog sila og birthday party sa anak sa biktima ug nahubog kini, nasuko ang ka live-in partner niini, ug giingnan ang biktima nga (adik ka!), Human niadtong hitaboa, mga alas 11 sa gabii nag-inusara nga nilakaw ang biktima.
Dugang pa, ang iyang igsuon niingon nga ang biktima nagpahayag ug naghunahuna sa paghikog sa makadaghang higayon sa wala pa siya mamatay nga nag-ingon nga “gikapoy naman ko sa akoang kinabuhi”.
Ang patay’ng lawas sa biktima posibleng ipailawom sa otopsiya aron mahibal-an ang hinungdan sa iyang kamatayon.
📸 MCPO
I via Renante Socia Lada