Tungod sa pagka unggo sa online nga sugal o mas naila nga scatter, Usa ka lalaki ang natanggong karon sa Parian Police Station, Human nanglabni ug Cellphone, aron makabayad sa iyang nautang kay gipusta sa Scatter. Niadtong Hunyo 26, 2024 sa sayong kabuntagon.
Ang suspetsado giila nga si alyas ”Andres”, 27-anyos, taga Sitio Ponce 1, Barangay Carreta ning dakbayan sa Sugbo.
Nasayran nga midangop sa Parian Police Station ang biktima nga usa ka 25-anyos nga dalaga, taga-Espina Village 2, Barangay Guadalupe nga nagpahibalo nga gilabni ug nakuha ang iyang Iphone ProMax sa Brgy. Lorega.
Sa follow up operation nga gihimo kapulisan nadakpan ang suspetsado, ug walay pagduha duha nga giangkon niya ang krimen tungod sa pagkaunggo sa online nga sugal ug nakautang na hinuon siya. (Renante Socia Lada | Ting Joe Pepito)