Nikalas og usa ka kinabuhi ang nahitabong disgrasya sa motorsiklo ug dumptruck.
Didto kini sa National Road, Barangay Poblacion, lungsod sa Liloan, Sugbo, pasado alas 7:OO kaganihang buntag, Hunyo 19, 2024.
Ang biktima giila sa Liloan Police Station na mao si Fel Rydge, 20 anyos ang panuigon, residenti rapud sa maong lugar.
Naila usab ang suspetsado na drayber sa dumptruck na mao si Ariel Caramihan, 27 anyos, residenti sa Barangay Vito, lungsod sa Minglanilla, Sugbo.
Sa imbestigasyon sa Liloan Police Station nasayran nga ang duha ka mga sakyanan pulos nagbiyahi sa managlahing direksiyon diin sa pag abot na nila sa naasoy na lugar nagka dasmag kini.
Gisulayan unta pagdala sa tambalanan si Rydge apan nabugtuan kini sa kinabuhi.
Sa pagkakaron padayong gitanggong si Caramihan samtang gihuwat ang panagsabot-sabot sa duha ka habig. (Renante Lada | Ting Joe Pepito)