Miadto ang mga representante sa Movement for a Livable Cebu (MLC) sa Kapitolyo kagahapong adlawa aron personal nga i-presentar ang ilang petisyon kabahin sa urgent nga pagdumala sa baha.
Sumala sa MLC, dili lang tungod sa kusog nga ulan sa Bagyong Tino ang hinungdan sa grabe nga baha, kundili tungod usab sa kakulang sa political will, sayop nga engineering, ug pagpasagad sa dugay nang mga teknikal nga pagtuon nga naghulma og solusyon sa sobrang urbanisasyon sa Cebu.
Gidugang pa sa grupo nga ang lapad nga pagbaha sa mga dapit duol sa mga suba dili aksidente. Kun dili resulta kini sa pagsulod sa mga tawo ug establisemento sa waterways ug sa dili epektibo, ug matod pa kurapsyon nga naglibot sa mga flood control projects.
Sa tubag ni Gob. Pam Baricuatro, iyang gipadayag ang tibuok suporta sa tawag sa MLC. Giingon niyang kinahanglan ang siyensya-based nga solusyon, klarong accountability, panag-uban sa mga LGU sama sa Mega Cebu, ug lig-ong aksyon aron malikayan ang sunod nga trahedya.
Source: Cebu Province PIO
I via Renante Socia Lada