Dako ang pagkadismaya ni Bohol Governor Aris Aumentado sa dihang iyang nasayran nga ang mga gi-preserbar nga corals sa Virgin Island sa Panglao gipasipad-an og bandalismo sa wala pa mailhing mga nihimo niini.
Nahibaw-an kini atol sa gipahigayon nga Reef Assessment ug Investigation sa team sa DENR, uban sa Kagamhanan sa Probinsya pinaagi sa BPEMO, LGU Panglao ug sa mga pribado nga nagboluntaryo.
Gikaguol kini sa Gobernador ug tinguha nga dili gyod maayo nga masundan pa ang maong panghitabo.
Kusganong gipahibalo ni Aumentado nga likayan ang bisan unsa nga pagpanghilabot sa mga hiyas sa kadagatan, kay bililhon kini alang sa balanse nga kahimtang sa kinaiyahan. (Renante Lada and Elite)