Padayon gihapon nga gipangita sa mga sakop sa Philippine Coast Guard-Camotes, MDRRMO, BDRRMC ug Municipal Agricultural Office ang usa ka mananagat nga nahulog sa iyang bangka.
Segon ni Police Executive Master Sergeant Renato Abillar Jr. ang Deputy Chief sa San Francisco Camotes Police Station nga padayon nilang gipangita si Alfredo Albarida, 59 anyos ang panuigon, residenti sa Barangay Mahaba, lungsod sa San Francisco, Isla sa Camotes, Probinsya sa Sugbo.
Gikataho kining nahulog sa iyang gisakyan nga bangka niadtong Nobembre 30 sa Gabii 2022.
Si Albarida nanagat niadtong higayuna sa dihang naagian kini sa kusog nga unos sa lawod nga maoy hinungdan sa iyang pagkatagak sa bangka.
Sa pagkakaron naghuwat pa ang kapulisan sa tagtungod ug mga residenti nga mupaabot sa ilang update kung nakit-an naba ang mananagat. (Renante Lada, photo credits to the owner)