Wala nay kinabuhi nga napalgang ang usa ka mananagat nga nag lutaw-lutaw sa kadagatan.
Sabado sa buntag, Septembre 2, 2023, didto sa Barangay Catamaran, lungsod sa Liloan, probinsya sa Sugbo.
Ang biktima giila sa Liloan Police Station nga mao si Nelson Magsalang Cuyos, 61 anyos ang panuigon, residenti rapud sa naasoy nga lugar.
Sa inbestigasyon sa kapulisan nasayran nga anang Biyernes sa gabii nanagat ang biktima apan nawala kini.
Ang mga tagtungod nidangop sa bantay dagat sa maong lungsod aron sa pagpangita sa biktima.
Lumos maoy gituhuang gikamatyan ni Cuyos apan sutaon pa kini kung wala bay foul play. (Renante Lada)