Wala nay kinabuhi ug nakaangkon ug paso sa iyang kalawasan kining usa ka mananagat ang nakit-an sakay sa iyang sakayan kagabii pasado alas 11:45 ang takna, Oktobre 2, sa kadagatan sa Barangay Gairan, dakbayan sa Bogo, Cebu.
Matud pa sa nakakita sa biktima nga si Lyndon Fernandez, samtang nanagat siya iyang nakita ang biktima sulod sa sakayan niini nga wala na maglihok ug adunay paso sa kalawasan nga daw naigo kini sa kilat, daling nakapangayo ug tabang si Fernandez ngadto sa DRRMO ug gidala dayon ngadto sa Cebu Provincial Hospital Bogo City apan gideklarar kini sa nag atiman nga doktor nga si Dr. Jerimae Samson nga dead on arrival ang biktima.
Sumala sa report sa mga doktor, namatay ang biktima tungod sa ventricular fibrillation nga resulta sa pagkaigo sa kilat. (TJP & Renante Socia Lada)