Naluwas sa mga pulis ang usa ka lalaki nga giingong gihimong hostage ug nadakpan ang armadong suspek human sa nahitabong engkwentro sa Purok 1, Zinia, Sun-ok, Barangay Tayud, Consolacion, Cebu, sa buntag sa Hulyo 3, 2026.
Sumala sa Consolacion Police, nakadawat sila og report alas 8:24 sa buntag bahin sa hostage-taking. Pag-abot sa mga pulis sa lugar, ilang nakita ang biktima nga nagdagan padulong kanila samtang samaran sa pinusilan. Gigukod pa kini sa suspek ug gipusil pag-usab.
Gipahunong sa mga pulis ang suspek ug gimandoan nga ihulog ang iyang pusil, apan wala kini motuman. Tungod niini, napugos ang mga pulis sa pagpusil aron mapugngan ang suspek. Naigo kini sa tuo nga paa ug gidala uban sa biktima sa ospital aron matambalan.
Narekober sa kapulisan ang usa ka kalibre .22 nga revolver sa lugar. Nagpadayon pa ang imbestigasyon aron masayran ang tinuod nga hinungdan sa insidente, ug giandam na usab ang mga kaso batok sa suspek.
📸 CPPO
I via Renante Socia Lada