Naglunang sa ilang kaugalingong dugo kining mag-tiayong negusyante ug isda sa Bayawan Fish Port, Bayawan Negros Oriental, human gipamusil sa wala ma mailhing mamumuno, kaganihang mga alas 4:00 ang takna sa kaadlawon, Hulyo 05, 2024.
Mga alas 4:30 sa buntag karong adlawa usa ka concerned citizen ang nipahibawo ngadto sa Bayawan Police Station pinaagi sa cellular phone nga adunay nahitabong pagpamusil sa R.T Diao Street, Brgy Suba, Bayawan City.
Sa imbestigasyon nga gihimo sa dapit sa insidente nasayran nga ang mga biktima gipusil-patay sa wala mailhing mga suspek nga sakay sa motorsiklo.
Ang duha ka mga biktima (bana ug asawa) mga negosyante sa bayawan fish port ug mopaingon unta kini silang duha sa fish port sa Brgy. Suba, Bayawan City.
Apan samtang nagbiyahe ang duha kalit lang mibutho ang wa mailhing mga suspek nga sakay sa motorsiklo ug nibabag kanila dayon gipamusil ang mga biktima gamit ang wala matinong kalibre sa armas.
Human sa pagpamusil daling gikuha sa mga mamumuno ang usa ka bag nga giingong adunay sulod nga wala matinong kantidad sa kuwarta ug logbook nga adunay listahan sa nakautang.
Gisuwayan pa unta ug dala sa bayawan district hospital ang mga biktima apan gideklarar nga dead on arrival.
Sa pagkakaron padayon pa ang imbestigasyon sa mga kapulisan maong estasyonan kalabot sa insidente alang sa pag-ila sa mga suspek ug nagpadayon pa ang hot pursuit operation. (Ting Joe Pepito | Renante Socia Lada | Roy Ortega)