Wala nay kinabuhi nga naabot sa tambalanan ang usa ka lola human nalumos sa dagat.
Pasado alas 1:00 kagahapon sa hapon, Nobembre 15, 2022, didto sa Sumilon Island, Public Sand Bar, Barangay Bangcogon, Lungsod sa Oslob, Probinsya sa Sugbo.
Ang biktima giila sa kapulisan sa lungsod sa Oslob nga mao si Jocelyn Tantog, 64 anyos ang panuigon, menyo, taga Barangay Pungtod Calajoan, Lungsod sa Minglanilla, Sugbo.
Matod ni Police Lieutenant Allen June Germodo ang Deputy Chief sa Oslob Police Station nga mga pasado alas 3:30 kagahapon ilang nadawat ang tawag nga adunay nalumos sa maong lugar.
Sa gihimo nga inbestigasyon sa Kapulisan nasayran nga nangaligo kini uban sa iyang pamilya ug napalgan nalang kining nalumos sa maong lugar.
Gisulayan pa unta pagdala sa tambalanan apan nabugtuan kini sa iyang kinabuhi.
Duda sa kabanay sa biktima nga giatake sa kasing-kasing si Tantog nga ni resulta sa iyang pagkalumos patay. (Renante Lada)