Gilauman na nga hapit na mapatuman ang libring internet sa Dakbayan sa Sugbo.
Sumala sa Cebu City PIO nga gitataw ni Richter Castañares sa Management Information and Computer Services ( MICS), nga ila nang nasuta ang mga lugar kung asa ibutang ang mga wifi.
Ang mga lugar nga butangan sa wifi pariha sa, Barangay Hall, Parks, ug mga Tunghaan.
Usa kini ka libring internet sa matag Barangay sa Dakbayan sa Sugbo aron mapahimuslan sa mga residenti.
Adunay usa ka oras nga libring wifi sa matag mugamit kada adlaw.
Gibutyag ni Castañares nga 50 ka mga Barangay ang unang mahatagan niiini karon buwan sa Oktobre diin ang ubos nga bahin sa Dakbayan maoy unahon ug isunod ang bukirang Barangay.
Ang maing proyekto gi tinguha ni Mayor Michael Rama nga matuman sud sa 100 ka adlaw sukad sa iyang paglingkod.
Source: Cebu City PIO
via Renante Lada